Cihân bir simyâhâne felek sihrsâz ancak
Meh ile mihr çâpükdest bir iki hokkabâz ancak
Cihân bâzârına her ne getirdikse ziyân ettik
Metâ-ı sûdmend ey dil hemân sûz-i güdâz ancak
Görüp dil şu'lesin her zahm-ı sînemden dedi dilber
Bu âteş bâl ile sîmurga ermiş şâhbâz ancak
Bu bağın bağbânı bir suyu bir lîk ezhârın
Kimi nâz etmeğe durmuş kimi ehl-i niyâz ancak
Yaraşır gûş-i şâhîden cihâna zîb ü fer verse
Hayâlî her sözün bir gevher-i deryâ-yi râz ancak
