Aldı gül-zar içre su aks-i izar-i âlini

Aldı gül-zâr içre su aks-i izâr-i âlini
Çekti güller sûretin manzur edip timsâlini

Adın etmiş gün alıp bir aks mir’ât-i felek
Subh gösterdükde sen ruhsâr-i ferruh-fâlini

Şerhe bir gün kıldığın bi-dâdı çekmez haşre dek
Ol melek kim yazmak ister nâme-i a’mâlini

Sey l-i hun hâlin hayâliyle bozup göz merdümin
Merdüm etmiş çeşm-i hun-bâre hayâl-i hâlini

Murg-i dil kalmadı kim sayd olmadı bir dem ana
Sâkin et pervâzdan şeh-bâz-i müşgin-bâlini

Koymadı bir kimse cevrin çekmeğe rahm et demi
Men’ kıl hun-rizlikten gamze-i kattâlini

Gam günü üstümde senden özge yok ey dûd-i âh
Lütf edip benden götürme sâye-i ikbâlini

Ey Fuzûlî bes ki gam-nâk oldu ahvâlin soran
Gamdan ölsen hiç kim sormaz dahi ahvâlini