Ey göz ol nergis-i hun-hare nigah etme dahi

Ey göz ol nergis-i hun-hâre nigâh etme dahi
Rûzgârım gam-i hecr ile siyâh etme dahi

Ey gözüm yaşı bu ser-geşteliğin terkin kıl
Serv-kametlere kat’-i ser-i râh etme dahi

Ey gönül ömrümü verdin yele âşıklık ile
Bakma her gonce-leb ü gül-ruha âh etme dahi

Bakma ey cân hat ü ruhsârına mahbûbların
İhtiyât eyle günah üzre günah etme dahi

Kılma ey aşk bana arz peri-çihreleri
Süret-i halimi mihr ile tebâh etme dahi

Götür ey nefs hevâ vü hevesin âlemden
Herze herze taleb-i rif’at-i câh etme dahi

Ey Fuzüli mey ü ma’şük mezâkın terk et
Özünü âsi-i der-gâh-i ilâh etme dahi